ANNIT.IS

Visions de l´amen: Messiaen

tinna — Sun, 03 Jun 2012 11:30:04 +0000

Tónleikar á Listahátíð í Reykjavík, þar sem loks verður flutt á Íslandi verkið Visions de l´amen eftir Olivier Messiaen fyrir tvö píanó. Undirrituð leikur ásamt Önnu Guðnýju Guðmundsdóttur. Sunnudaginn 3. júní í Norðurljósasal Hörpu kl: 11.30. Á undan tónleikunum flytur Árni Heimir Ingólfsson, tónlistarfræðingur, erindi um verkið og Olivier Messiaen. Miða og nánar um tónleikana má finna á heimasíðu Listahátíðar og Hörpu
Anna Guðný Guðmundsdóttir

Grams

tinna — Wed, 28 Mar 2012 20:00:14 +0000

Grams eru tónleikar með dóti og leikjum á Jaðarberi, miðvikudagskvöldið 28. mars 2012 kl: 20 á Kjarvalsstöðum. Á þessum tónleikum verður kannað hvaða leikföng gefa frá sér hljóð og jafnvel búin til tónlist. Aðalatriðið er að dótið sé skemmtilegt, fjölbreytt og litskrúðugt. Hér verður m.a. flutt Svíta f. dótapíanó eftir Þráin Hjálmarsson. Flytjendur eru Tinna, Una Sveinbjarnardóttir, Katie Buckley, Frank Aarnink, Páll Ivan Pálsson, Jesper Pedersen, Þráinn Hjálmarsson og Skúli mennski.
Nánar um viðburðinn hér

Sonorities I, II og III eftir Magnús Blöndal á Tectonics og meira

tinna — Fri, 02 Mar 2012 19:00:25 +0000

Tinna flytur öll Sonorities verk Magnúsar Blöndals Jóhannssonar fyrir píanó (1963-1972) og fyrsta íslenska tólftónaverkið Fjórar abstraskjónir (1951) á Tectonics, nýrri nútímatónlistarhátíð Ilans Volkov, aðalhljómsveitarstjóra Sinfóníuhljómsveitar Íslands, í Norðurljósasal Hörpu föstudagskvöldið 2. mars 2012 kl. 19:00 á tónleikum tileinkuðum tónskáldinu.
Auk þess kemur Tinna fram í verki Johns Cage: Music for Amplified Toy Pianos, á sömu hátíð fimmtudagskvöldið 1. mars kl. 22:00 í Norðurljósum og tekur þátt í frumflutningi á verkinu Horpma III eftir Guðmund Stein Gunnarsson laugardaginn 3. mars í Norðurljósasal Hörpu kl: 16:00
Nánar um dagskrá hátíðarinnar hér

Afmælistónleikar Johns Cage

tinna — Wed, 15 Feb 2012 20:00:36 +0000

Jaðarber heldur upp á 100 ára afmæli tónskáldsins Johns Cage með stórtónleikum miðvikudagskvöldið 15. febrúar 2012 á Kjarvalsstöðum kl: 20. Tinna leikur Suite for Toy Piano, And the Earth Shall Bear Again og Prelude for Meditation fyrir undirbúið píanó, Six Melodies for Violin and Piano (Keyboard) ásamt Unu Sveinbjarnardóttur, fiðluleikara og tekur þátt í verkinu Fontana Mix (1958) ásamt fleirum
Nánari dagskrá hér

Frumflutningstónleikar Tinnu #3 á Myrkum

tinna — Sat, 28 Jan 2012 16:00:23 +0000

Þá er komið að því, Tinna heldur sína þriðju einleikstónleika þar sem efnisskráin samanstendur eingöngu af frumfluttum píanóverkum og að þessu sinni á Myrkum músíkdögum 2012… ásamt gesti sem er eðalmaðurinn Frank Aarnink, slagverksleikari. Fyrstu frumflutningstónleikana hélt hún einmitt þar árið 2005, en það voru fyrstu tónleikar sinnar tegundar á Íslandi og svo endurtók hún leikinn árið 2007 á Listahátíð í Reykjavík. Efnisskráin er:

Mozaik VI (2010) f. píanó og elektróník: Kjartan Ólafsson
scape (2011): Anna S. Þorvaldsdóttir
the Negotiation of Context – C (2011): Davíð Brynjar Franzson
Jökla og Embla (2011): Jónas Tómasson
Hyrnan II (2012): Hafdís Bjarnadóttir
283°(2012) f. píanó og vídeó: Áki Ásgeirsson

Laugardaginn 28. janúar kl: 16 í Hörpu – Norðurljósasal
Myrkir 2012

Sjónvarpsupptaka

tinna — Wed, 11 Jan 2012 14:21:50 +0000

Sjónvarpsupptaka á verki Johns Cage And the Earth Shall Bear Again fyrir undirbúið píanó og Kalimba eftir Karlheinz Essl fyrir dótapíanó og elektróník fyrir nýjan tónlistarþátt Víkings Heiðars Ólafssonar, píanóleikara. Jan 11 2012

Frosin ber

tinna — Wed, 30 Nov 2011 20:00:12 +0000

Frosin ber – Norrænir tónleikar í tónleikaröðinni Jaðarber á Listasafni Reykjavíkur miðvikudaginn 30. nóvember 2011 kl: 20 á Kjarvalsstöðum. Aðgangur ókeypis.

Á frosnum berjum verður sjónum beint að tónlist ungra norrænna tónskálda sem vinna með tilraunakennda framsetningu. Tónskáld sem verk eiga á tónleikunum eru Simon Steen-Andersen (DK), Stine Sørlie (NO), Kaj Aune (DK) og frumflutt verður splunkunýtt kammerverk eftir Øyvind Torvund (NO) sem samið var sérstaklega fyrir þetta tækifæri. M.a. verka mun heyrast Failure (2002) fyrir undirbúið píanó og vídeó eftir Kaj Aune
Nánar um tónleikana hér

John Cage og Pauline Oliveros

tinna — Sun, 30 Oct 2011 15:00:02 +0000

Tinna flytur verk fyrir undirbúið píanó eftir John Cage og tónlistarhópurinn Fengjastrútur verk eftir Pauline Oliveros í tengslum við myndlistarsýninguna Ný list verður til á Listasafni Reykjavíkur og Jaðarber. Dagný Kristjánsdóttir, prófessor í íslenskum nútímabókmenntum við Háskóla Íslands, verður í gestaspjalli hjá sýningarstjóranum Jóni Proppé kl: 15 og verða verkin flutt fyrir og eftir spjall. Sunnudaginn 30. október á Kjarvalsstöðum
Nánar um viðburðinn

Tilraunamennska sjöunda áratugarins

tinna — Wed, 26 Oct 2011 20:00:01 +0000

Tónleikar Jaðarbers á sýningunni Ný list verður til á Kjarvalsstöðum miðvikudaginn 26. október 2011 kl: 20 í samstarfi við Listasafn Reykjavíkur – Aðgangur ókeypis. Flytjendur eru Jaðarbershópurinn. Nánar hér

Efnisskrá:
Magnús Blöndal Jóhannsson: Frostrósir (1970) mynd- og hljóðverk með ballett eftir Ingibjörgu Björnsdóttur
Þorkell Sigurbjörnsson: Fípur (1971) rafverk
Atli Heimir Sveinsson: Mengi (1966) fyrir píanó
Nam June Paik: Dragging Suite (ártal ekki vitað)
Leifur Þórarinsson: Piece (1966) fyrir klarinett, selló og píanó
Yoko Ono: Lighting Piece (1955) og Toilet Piece (1971)
Dieter Roth: Der Akkorden Fluch (1981-82)
Þorsteinn Hauksson: Humma? (1972) fyrir tvo sóprana og bassa

Flúxus 2

tinna — Sun, 09 Oct 2011 15:00:57 +0000

Tónlistarhópurinn Fengjastrútur og Tinna flytja Piano Concerto No. 2 for Paik eftir Ben Vautier og Distance for Piano (To David Tudor) eftir Takehisa Kosugi (bæði verk frá árinu 1965) í tengslum við myndlistarsýninguna Ný list verður til á Listasafni Reykjavíkur og tónleikaseríuna Jaðarber. Bjarki Sveinbjörnsson, forstöðumaður Tónlistarsafns Íslands, ræðir um tilraunir í tónlist á sjöunda áratugnum kl: 15 og verða gjörningarnir fluttir fyrir og eftir spjall. Sunnudaginn 9. október 2011 á Kjarvalsstöðum
Nánar um viðburðinn

Norrænir Músíkdagar 2011

tinna — Sun, 09 Oct 2011 13:00:31 +0000

Tinna leikur í tveimur verkum á Norrænum Músíkdögum í ár á tónleikum CAPUT hópsins. Annars vegar í the negotiation of context – c eftir Davíð Brynjar Franzson fyrir tvö píanó og slagverk og hinsvegar í (d)u(e)nison eftir Per Magnusson fyrir tvo píanóleikara og elektróník. Sunnudaginn 9. október 2011 kl: 13 í Kaldalóni í Hörpu
Norrænir Músíkdagar 2011

Freyja og Tinna

tinna — Mon, 03 Oct 2011 17:30:45 +0000

Freyja Gunnlaugsdóttir, klarínettuleikari og Tinna spila saman á Menningar- og listahátíð Seltjarnarness. Á efnisskránni eru Rúmenskir dansar eftir B. Bartók, Rómansa eftir Marie Elisabeth von Sachsen-Meiningen og Tveir þættir eftir Weiner Leó. Bókasafn Seltjarnarness, mánudaginn 3. október 2011 kl: 17.30

Flúxus

tinna — Sun, 18 Sep 2011 15:00:35 +0000

Tinna flytur Incidental Music eftir George Brecht og Piano Piece No. 1 eftir Tomas Schmit frá árinu 1962 í tengslum við myndlistarsýninguna Ný list verður til á Listasafni Reykjavíkur og tónleikaseríuna Jaðarber. Jón Proppé, listheimspekingur verður með sýningarstjóraspjall kl: 15 og verða gjörningarnir fluttir fyrir og eftir það. Sunnudaginn 18. september 2011 á Kjarvalsstöðum
Nánar um viðburðinn

Myndir

Ný list verður til
performing George Brecht: Incidental Music		This is on the other hand Piano Piece No. 1 by Tomas Schmit

		then all of a sudden…

	and the happening continued!

Jaðarber

tinna — Fri, 09 Sep 2011 13:14:15 +0000

Jaðarber er splunkuný tónleikasería sem stofnað var til í samstarfi við Listasafn Reykjavíkur og hefst nú í haust. Þar verður lögð áhersla á tilraunir í tónlist, afmáð mörk listgreina og tónleikaformið tekið til endurskoðunar. Aðstandendur hennar eru Tinna og Guðmundur Steinn Gunnarsson, tónskáld. Fulla dagskrá viðburða vetrarins 2011-2012 má finna á heimasíðu raðarinnar: Jaðarber

Nú nú í Kastljósi

tinna — Fri, 09 Sep 2011 11:58:27 +0000

Umfjöllun Kastljóss í gær um listviðburðinn Nú nú eftir Bjargeyju Ólafsdóttur, myndlistarmann á setningu tónleikaraðarinnar Jaðarbers. Viðtöl og myndir frá sýningunni
Kastljós-Nú nú

Nýr flygill og upphaf Jaðarbers

tinna — Fri, 09 Sep 2011 11:49:44 +0000

Jaðarber – ný tónleikaröð í samvinnu við Listasafn Reykjavíkur hófst í gær með listviðburðinum Nú nú eftir Bjargeyju Ólafsdóttur, myndlistarmann. Listasafni Reykjavíkur barst gjöf á sama tíma frá Landsbanknum, foláta Petrof flygill, sem var vígður með viðburðinum. Gleðiefni sem á vafalaust eftir að hafa góð áhrif á tónlistarlífið í miðborginni

Nú nú á Jaðarberi og Reykjavík Dance Festival

tinna — Thu, 25 Aug 2011 14:33:07 +0000

Listviðburðurinn Nú nú eftir Bjargeyju Ólafsdóttur verður sýndur á nýrri tónleikaseríu – Jaðarberi og Reykjavík Dance Festival. Tvær sýningar eru fyrirhugaðar fimmtudaginn 8. september kl. 12:15 og laugardaginn 10. september 2011 kl. 17:00 í Listasafni Reykjavíkur, Hafnarhúsinu.

Höfundur: Bjargey Ólafsdóttir

Rödd: Xavier Le Roy, dansari og dansahöfundur

Dansari: Snædís Lilja Ingadóttir

Stílisti: Anna Clausen

Fimleikamenn: Agnar, Hjalti, Hlynur, Jakob

Upptökustjóri og hljóðhönnuður: Elisabeth Carlsson

Píanóleikari: Tinna Þorsteinsdóttir

Verkfræðingar: Kristín Martha Hákonardóttir og Arnar Ágústsson

Styrktaraðili: Landsbankinn

Nánar á Jaðarber og Reykjavík Dance Festival

Myndir

Now Now
Now Now by artist Bjargey Ólafsdóttir, with dancer Snaedís Lilja Ingadóttir and four gymnasts on Reykjavík Dance Festival and the new music series Jadarber.

John Cage – Hinsegin dagar

tinna — Fri, 05 Aug 2011 20:00:52 +0000

Á hinsegin nótum. Klassískur konsert með tónlist eftir samkynhneigð tónskáld frá ýmsum öldum. Ellefu íslenskir tónlistarmenn flytja. Þar á meðal hljómar And the Earth Shall Bear Again eftir John Cage fyrir undirbúið píanó. Í Norðurljósasal Hörpu þann 5. ágúst 2011 kl: 20. Ókeypis aðgangur
Hinsegin dagar

Myndir

Harpa
So much fun when people gather around the piano to have a look inside	My credit card never sounded better	and the bamboo stick really rocked
The joy of John Cage

Granit Games

tinna — Fri, 22 Jul 2011 16:10:39 +0000

Geisladiskurinn Granit Games kom út árið 2007 hjá Smekkleysu og inniheldur íslenska píanótónlist. Tónlistin á disknum spannar breiðan skala, allt frá íslenskum þjóðlögum til raftónlistar, en flest verkanna eiga það sameiginlegt að hafa verið samin fyrir Tinnu og flutt af henni um víðan völl. Tónskáld sem eiga verk á disknum eru Jón Leifs, Mist Þorkelsdóttir, Þorsteinn Hauksson, Áskell Másson, Karólína Eiríksdóttir, Hilmar Þórðarson, Steingrímur Rohloff og Kolbeinn Einarsson. Umslagið hannaði Rósa Hrund Kristjánsdóttir.
Granit Games má nálgast hjá Smekkleysu og Gogoyoko.

Tinna flytur íslenska píanótónlist

tinna — Thu, 23 Jun 2011 14:04:09 +0000

Umfjöllun um frumflutninga sem litu ljós árið 2010 hjá Íslenskri tónverkamiðstöð:
Íslensk tónverkamiðstöð

Feneyjatvíæringurinn

tinna — Wed, 01 Jun 2011 11:51:33 +0000

Fulltrúar Íslands á Feneyjatvíæringnum sem nú er haldinn í 54. sinn eru myndlistartvíeykið Ólafur Ólafsson og Libia Castro. Stjórnarskrá lýðveldisins Íslands (sem unnin var með tónskáldinu Karólínu Eiríksdóttur er eitt þriggja verka sem sýnd verða í íslenska skálanum á tímabilinu 1.6. – 27.11. 2011. Nánar um verkefnið á heimasíðu listamannanna:
Óli y Libia
Karólína Eiríksdóttir

Dórófónaleikar

admin — Sat, 02 Apr 2011 14:00:14 +0000

Tónleikar á sýningunni Hljóðheimar sem fram fer þessa dagana í Listasafni Íslands. Þar verða frumflutt verk fyrir Dórófóna Halldórs Arnars Úlfarssonar. M.a. nýtt verk Hallvarðs Ásgeirssonar fyrir undirbúið píanó og Dórófón, ásamt Söndru Ósk Snæbjörnsdóttur, laugardaginn 2. apríl 2011 kl: 14 í Listasafni Íslands
Hallvarður Ásgeirsson
Halldór Arnar Úlfarsson
Hljóðheimar

Dórófónn, tekið á æfingu

Álfareiðin tilnefnd til Eddunnar

tinna — Sat, 19 Feb 2011 20:00:21 +0000

Álfareiðin, ný sjónvarpsupptaka Ríkisútvarpsins með salonhljómsveitinni L´amour fou er tilnefnd til Edduverðlaunanna í flokki menningar- eða lífstílsþáttur ársins 2010. Verðlaunafhending fer fram þann 19. febrúar 2011 í Íslensku óperunni
Eddan

Verkið Stjórnarskrá lýðveldisins Íslands í sjónvarpinu

tinna — Wed, 16 Feb 2011 22:15:43 +0000

Verkið Stjórnarskrá lýðveldisins Íslands eftir Karólínu Eiríksdóttur, tónskáld og myndlistartvíeykið Ólaf Ólafsson og Libiu Castro verður sýnt í Ríkissjónvarpinu miðvikudaginn 16. febrúar 2011 kl: 22:15. Flytjendur eru söngvararnir Ingibjörg Guðjónsdóttir og Bergþór Pálsson, Kammerkórinn Hymnodia undir stjórn Eyþórs Inga Jónssonar ásamt Tinnu Þorsteinsdóttur, píanóleikara og Gunnlaugi Torfa Stefánssyni, kontrabassaleikara. Endursýning þann 20. feb. 2011 kl. 13:50

Stjórnarskrá lýðveldisins á tónleikum

tinna — Sat, 12 Feb 2011 13:57:51 +0000

Verkið Stjórnarskrá lýðveldisins Íslands eftir Karólínu Eiríksdóttur, tónskáld og myndlistartvíeykið Ólaf Ólafsson og Libiu Castro verður flutt á tónleikum í Hafnarborg laugardaginn 12. febrúar 2011 kl: 15. Flytjendur eru söngvararnir Ingibjörg Guðjónsdóttir og Bergþór Pálsson, Kammerkórinn Hymnodia undir stjórn Eyþórs Inga Jónssonar ásamt Tinnu Þorsteinsdóttur, píanóleikara og Gunnlaugi Torfa Stefánssyni, kontrabassaleikara. Athugið að sætafjöldi er takmarkaður! Aðgangur er ókeypis.
Myndlistarsýningin Stjórnarskrá lýðveldisins Íslands verður síðan opnuð í kjölfarið og til 13. mars, eða loka sýningartímabilsins, verður í safninu viðamikil myndbandsinnsetning byggð á flutningnum
Hafnarborg

Stjórnarskrá lýðveldisins Íslands – sjónvarpsupptaka

tinna — Wed, 02 Feb 2011 13:47:21 +0000

Stjórnarskrá lýðveldisins Íslands eftir Karólínu Eiríksdóttur, tónskáld og myndlistartvíeykið Ólaf Ólafsson og Libiu Castro fer í sjónvarpsupptökur þann 2. febrúar 2011 fyrir RÚV og verður síðar sýnt í Ríkissjónvarpinu, auk þess að vera sýnt á myndlistarsýningu Ólafs og Libiu sem fram fer í Hafnarborg þann 12. febrúar – 13. mars

Frumflutningur með Kammersveit Reykjavíkur

tinna — Sun, 30 Jan 2011 20:00:33 +0000

Frumflutningur á Héxíé, nýju verki Hlyns A. Vilmarssonar fyrir píanó, strengjasveit og sínusbylgjur með Kammersveit Reykjavíkur á Myrkum Músíkdögum 30. janúar 2011 á Listasafni Íslands kl: 20, stjórnandi Petri Sakari
Kammersveit Reykjavíkur
Myrkir Músíkdagar

Andlit – Una og Tinna á Myrkum Músíkdögum 2011

tinna — Sat, 29 Jan 2011 12:00:34 +0000

Tónleikar með Unu Sveinbjarnardóttur, fiðluleikara, á Myrkum Músíkdögum laugardaginn 29. janúar 2011 kl: 12 í Hafnarborg. Á efnisskránni eru verk fyrir fiðlu og píanó og þar af þrjú frumflutt: Vargarð (2010) eftir Guðmund Stein Gunnarsson, Skemmtilegt lag (2011) eftir Pál Ivan Pálsson og 295° (2011) eftir Áka Ásgeirsson. Önnur verk eru Antlitz eftir Wolfgang Rihm, Mónetta eftir Kjartan Ólafsson, Doloroso eftir Jónas Tómasson, Cesiliana eftir Misti Þorkelsdóttur og Íslensk svíta eftir Jórunni Viðar
Myrkir Músíkdagar
Hafnarborg

Í beinni á Rás 1

tinna — Thu, 27 Jan 2011 16:00:22 +0000

Una Sveinbjarnardóttir, fiðluleikari og Tinna spila í beinni í Víðsjá, þætti Ríkisútvarpsins sem er helgaður Myrkum Músíkdögum 2011 fimmtudaginn 27. janúar, Rás 1 kl: 16-18. Þátturinn er formleg opnun hátíðarinnar

Álfareiðin – L´amour fou á Gamlárskvöld

tinna — Fri, 31 Dec 2010 23:30:36 +0000

Álfareiðin er ný sjónvarpsupptaka fyrir Ríkisútvarpið með salonhljómsveitinni L´amour fou. Sýnt á Gamlárskvöld kl: 23.25, 6. janúar kl: 16: 45 og 9. janúar kl: 10: 25. Einnig er hægt að sjá upptökuna á vef RÚV frá því á Gamlárskvöld

Tinna tekur S.L.Á.T.U.R (fyrir jólin)

tinna — Sat, 18 Dec 2010 17:00:47 +0000

Tónleikar með nýjum píanóverkum eftir Slátur-meðlimi í Norræna húsinu, laugardaginn 18. desember klukkan 17:00. Tinna hefur unnið með ýmsum Slátur-meðlimum í gegnum tíðina og mun nú flytja verk frá 2009 og 2010 sem flest voru gerð í samvinnu við hana. Verkin sem flutt verða á tónleikunum eru öll sérlega frumleg og áhugavekjandi. Tónlist Sláturmeðlima, sem miðast að útbreiðslu listrænt ágengrar hugmyndafræði og nýsköpun í menningu, hefur hlotið mikið lof almennra hlustenda, listasamfélagsins og fræðimanna.
Verk frumflutt á tónleikunum: Miniature #3 eftir Hallvarð Ásgeirsson, Lag og brotnir hljómar í lokin eftir Pál Ivan Pálsson, Artaud eftir Þráin Hjálmarsson, Sonification II-88 eftir Þorkel Atlason, Laser Cat “The Christmas Edition” eftir Jesper Pedersen með vídeói eftir Halldór Úlfarsson, 297° eftir Áka Ásgeirsson. Önnur verk: Harsamvaða (2010) eftir Guðmund Stein Gunnarsson, Flæði III (2009) eftir Gunnar Karel Másson, Ornaments (2009) eftir Inga Garðar Erlendsson
S.L.Á.T.U.R.

Laser Cat “The Christmas Edition” eftir Jesper Pedersen með vídeói eftir Halldór Arnar Úlfarsson

EXPO 2010 Shanghai

tinna — Sat, 11 Sep 2010 20:45:47 +0000

-Efnisskrá á íslenska þjóðadeginum þann 11. september 2010 á heimssýningunni í Shanghai með íslenskri píanótónlist í opinberri dagskrá forseta Íslands. Verk eftir Jón Leifs, Atla Heimi Sveinsson, Báru Grímsdóttur og Þorstein Hauksson. Expo Center kl: 11
-Dagskrá um kvöldið: Verk eftir Hjálmar H. Ragnarsson m.a. og glænýjar útsetningar Hrafnkels Orra Egilssonar á sönglögum eftir Sigfús Halldórsson og Gunnar Þórðarson. Íslenska skálanum kl: 17
Expo2010 íslenska síðan
Expo2010 Shanghai

Myndir

Expo, Shanghai 2010
The President opens the formal ceremony in the morning on the special Iceland Day at Expo Center

		Tinna on TV
	Rehearsing at the Icelandic Pavilion in the evening	Waiting backstage for the performance
		…and this was the Expo
I´m glad I´m not in her shoes
To follow, various Beijing spots, here in Tiananmen Square	The Forbidden City	The Summer Palace
	It´s official, I love China and feel lucky to have visited a couple of times!

Hong Kong

tinna — Thu, 09 Sep 2010 12:24:29 +0000

Tónleikar ásamt William Lane, víóluleikara. The Chinese University of Hong Kong, Lee Hysan Concert Hall, Esther Lee Building, Chung Chi College, þann 9. september 2010 kl: 20. Íslensk dagskrá með verkum eftir Jón Leifs, Önnu S. Þorvaldsdóttur, Karólínu Eiríksdóttur, Þorstein Hauksson, Steingrím Rohloff og frumflutt nýtt píanóverk eftir Hlyn Aðils Vilmarsson
William Lane
cuhk

Afmælistónleikar Áka Ásgeirssonar

tinna — Mon, 30 Aug 2010 01:15:34 +0000

Mánudagskvöldið 30. ágúst 2010 kl. 20 verða tónleikar með verkum Áka Ásgeirssonar í Útgerðinni, Grandagarði 16. Tónleikarnir eru haldnir að tilefni 35 ára afmælis Áka og innihalda úrval tónverka síðustu fimm ára
Áki Ásgeirsson

Ráðherrafundur EFTA á Íslandi

tinna — Wed, 23 Jun 2010 20:53:53 +0000

Tónlistarviðburður á Ráðherrafundi EFTA, en 50 ár eru liðin frá því að fríverslunarsamtökin voru sett á fót. Ásamt Unu Sveinbjarnardóttur, fiðluleikara, 23. júní 2010 í Salnum, Kópavogi

London – einleikstónleikar

tinna — Thu, 17 Jun 2010 22:03:13 +0000

Einleikstónleikar í The Foundling Museum í London þann 17. júní 2010 kl: 13 með íslenskri efnisskrá. Jón Leifs: -Fjögur Lög, op. 2-, Mist Þorkelsdóttir: -Granit Games-, Þorsteinn Hauksson: -Tvær tokkötur-, Hilmar Þórðarson: -Sononymus-, Karólína Eiríksdóttir: -Partíta-. Styrkt af Reykjavík Loftbrú
The Foundling Museum

Vortex Temporum á Listahátíð á RÚV

tinna — Fri, 04 Jun 2010 13:39:41 +0000

Tónleikum Njútons og The Formalist Quartet á Listahátíð í Reykjavík var útvarpað beint föstudaginn 4. júní 2010. Þar var flutt verkið Vortex Temporum eftir Gérard Grisey ásamt fleirum. Hér er slóð á upptökuna: http://dagskra.ruv.is/ras1/4528800/2010/06/04/

Vortex Temporum á Listahátíð í Reykjavík 2010

tinna — Fri, 04 Jun 2010 04:26:03 +0000

Meistaraverkið Vortex Temporum eftir Gérard Grisey heyrist á Íslandi í fyrsta sinn á Listahátíð í Reykjavík í ár. Flutningur er í höndum The Formalist Quartet sem er staðsettur í Los Angeles, Brian Walsh, klarínettuleikara, Berglindar Maríu Tómasdóttur, flautuleikara og Tinnu Þorsteinsdóttur, píanóleikara. Einnig verður frumflutt nýtt verk Atla Ingólfssonar sem hann skrifaði fyrir hópinn af þessu tilefni og fluttir strengjakvartettar eftir Úlfar Inga Haraldsson og Nicholas Deyoe. Íslenska óperan 4. júní kl: 20.00. Tónleikunum verður varpað beint á Rás 1. Meira á:
Listahátíð í Reykjavík
The Formalist Quartet

Áki / nýtt pno verk

tinna — Sun, 30 May 2010 23:25:30 +0000

Frumflutningur á nýju píanóverki Áka Ásgeirssonar. Hvar: Sölvhóll, Listaháskóli Íslands, 30. maí kl: 15
Áki Ásgeirsson

Heimsfrumflutningur á píanóverki eftir Magnús Blöndal

tinna — Wed, 19 May 2010 18:25:02 +0000

Spennandi prógramm á Raflosti í ár! Flutt verða Sonorities I, II og III (1963-1972) eftir frumkvöðulinn Magnús Blöndal Jóhannsson og er Sonorities II frá árinu 1968 heimsfrumflutt á þessum tónleikum. Önnur verk á efnisskránni eru: Kalimba fyrir dótapíanó og rafhljóð (2005) eftir austurríska tónskáldið Karlheinz Essl og frumflutt píanóverk eftir tvö ung tónskáld, Laser cat (2010) eftir Jesper Pedersen og Harsamvaða (2010) eftir Guðmund Stein Gunnarsson. Í kjölfarið verður heimildarmyndin Surtur fer sunnan (1965) eftir Ósvald Knudsen um Surtseyjargosið sýnd, sem Magnús samdi tónlist við. Einleikstónleikar miðvikudaginn 19. maí 2010, Sölvhóli, sal Listaháskóla Íslands, Sölvhólsgötu 13 kl: 20
Raflost
Karlheinz Essl
Guðmundur Steinn Gunnarsson
Jesper Pedersen

Laser Cat eftir Jesper Pedersen

San Diego – Vortex Temporum

tinna — Fri, 26 Mar 2010 21:45:11 +0000

Vortex Temporum eftir Gérard Grisey verður flutt í University of California San Diego, föstudaginn 26. mars 2010. Styrkt af Reykjavík Loftbrú

Háskólatónleikar með Unu

tinna — Wed, 17 Mar 2010 23:33:00 +0000

Háskólatónleikar ásamt Unu Sveinbjarnardóttur, fiðluleikara. Á efnisskránni er Suite in the Old Style eftir Alfred Schnittke og Una frumflytur nýjar æfingar sínar fyrir fiðlu. Miðvikudaginn 17. mars 2010 kl: 12.30 í Norræna húsinu
Una Sveinbjarnardóttir
Háskólatónleikar

Bára hjá Iðunni

tinna — Fri, 05 Mar 2010 11:15:09 +0000

Leik nýtt píanóverk Báru Grímsdóttur, Stemmur, hjá kvæðamannafélaginu Iðunni föstudagskvöldið 5. mars 2010 í Gerðubergi

Myrkir Músíkdagar 2010 – Píanótónleikar

tinna — Sat, 30 Jan 2010 23:18:11 +0000

Tónskáld fædd 1960. Á þessum tónleikum heyrast Glacial Pace eftir Hauk Tómasson, Granit Games eftir Misti Þorkelsdóttur, Sononymus og Ó, gula undraveröld eftir Hilmar Þórðarson. Einnig verða tvö verk frumflutt, Stemmur eftir Báru Grímsdóttur og In memoriam eftir Ríkharð H. Friðriksson. Laugardaginn 30. janúar 2010 kl: 14 í Norræna húsinu
MM10

Frumflutningar

tinna — Tue, 26 Jan 2010 21:41:44 +0000

Tinna hefur frumflutt fjölda tónverka, bæði íslensk og erlend. Hér er að finna heildarlista einleiks- og dúóverka.

Píanóverk frumflutt og samin fyrir Tinnu
Hyrnan II (2012): Hafdís Bjarnadóttir
283° (píanó og vídeó) (2012): Áki Ásgeirsson
scape (undirbúið píanó) (2011): Anna S. Þorvaldsdóttir
the Negotiation of Context – C (2011): Davíð Brynjar Franzson
Embla (2011): Jónas Tómasson
Jökla (2011): Jónas Tómasson
Nú nú (píanó-dansverk) (2011): Bjargey Ólafsdóttir
héxíé fyrir píanó, strengjasveit [Kammersveit Reykjavíkur] og sínusbylgjur) (2011): Hlynur Aðils Vilmarsson
Mozaik VI (píanó og elektróník) (2010): Kjartan Ólafsson
Laser Cat “The Christmas Edition” (píanó, rafhljóð, skjávarpi, vídeó: Halldór Úlfarsson) (2010): Jesper Pedersen
Miniature #3 (undirbúið píanó) (2010): Hallvarður Ásgeirsson
Lag og brotnir hljómar í lokin (2010): Páll Ivan Pálsson
Sonification II-88 (2010): Þorkell Atlason
297° (píanó, regnstokkur, baunir og vídeó) (2010): Áki Ásgeirsson
Artaud (2010): Þráinn Hjálmarsson
héxíé 7DA (undirbúið píanó og rafhljóð) (2010): Hlynur Aðils Vilmarsson
304° (2010): Áki Ásgeirsson
Laser Cat (píanó, rafhljóð, skjávarpi) (2010): Jesper Pedersen
Harsamvaða (undirbúið píanó, slædflaska, girni og rafhljóð) (2010): Guðmundur Steinn Gunnarsson
In memoriam (2010): Ríkharður H. Friðriksson
Stemmur (2010): Bára Grímsdóttir
Harfgreni (2009) (einstrengingspíanó í náttúrulegri stillingu): Guðmundur Steinn Gunnarsson
Wide Shot (2007): Þuríður Jónsdóttir
Brainstorm in a tea cup (2007): Gunnar Andreas Kristinsson
SOOSSOOS (píanó og fjórir hátalarar) (2007): Áki Ásgeirsson
Sonatinna (2005): Jónas Tómasson
Partíta (2005): Karólína Eiríksdóttir
River Thought (harmónikka og rafhljóð) (2006): Greg Davis
Sea Chime (undirbúið píanó) (2005): Greg Davis
Aukalag (2005): Karólína Eiríksdóttir
Sononymus – meitlað í stein (píanó og rafhljóð) (2005-2006): Hilmar Þórðarson
Dínamít (píanó og rafhljóð) (2005): Kolbeinn Einarsson
Fantasiestück (2004): Áskell Másson
Tvær tokkötur (2003): Þorsteinn Hauksson
Ikarus (píanó og rafhljóð) (2003): Steingrímur Rohloff
Granit Games (2003): Mist Þorkelsdóttir
Ferðalag fyrir fingur (1986): Karólína Eiríksdóttir
Sonorities II (1968): Magnús Blöndal Jóhannsson (frumflutt af Tinnu árið 2010, þó ekki samið fyrir hana)

Dúó frumflutt og samin fyrir Tinnu +1
Miniature #5 (dórófónn [Sandra Ósk Snæbjörnsdóttir] og undirbúið píanó) (2011): Hallvarður Ásgeirsson
295° (fiðla [Una Sveinbjarnardóttir], píanó og vídeó) (2011): Áki Ásgeirsson
Skemmtilegt lag (fiðla [Una Sveinbjarnardóttir], píanó) (2011): Páll Ivan Pálsson
Vargarð (fiðla [Una Sveinbjarnardóttir], undirbúið píanó, slædflaska) (2010): Guðmundur Steinn Gunnarsson
Frumögn er svo feiknar smá (sópran [Ingibjörg Guðjónsdóttir] og píanó) (2010): Karólína Eiríksdóttir
Klukkan (slagverk [Frank Aarnink] og píanó) (2009): Áskell Másson
319°: (píanó, slagverk [Frank Aarnink], rafhljóð, lifandi leikmunir og dót) (2009): Áki Ásgeirsson
Tókastaðir (píanóhamrar, slagverk [Frank Aarnink], rafhljóð, skúlptúrar og vídeó) (2009): Páll Ivan Pálsson
Sýsl á víxl (marimba [Frank Aarnink] og píanó) (2009): Karólína Eiríksdóttir
[one] (píanó- og slagverksleikari [Frank Aarnink], flygill) (2008): Anna S. Þorvaldsdóttir
Míkróperan Átt-atvinnuvegur (sópran [Ingibjörg Guðjónsdóttir] og píanó) (2008): Tryggvi M. Baldvinsson
Stjörnumuldur (flauta [Berglind María Tómasdóttir] og píanó) (2008): Karólína Eiríksdóttir
Njóla (sópran [Ingibjörg Guðjónsdóttir] og píanó) (2007): Karólína Eiríksdóttir
Strenglag (víóla [Guðrún Hrund Harðardóttir] og píanó) (2002): Karólína Eiríksdóttir
Heimkynni við sjó (sópran [Ingibjörg Guðjónsdóttir] og píanó) (1997): Karólína Eiríksdóttir

Verkefni

tinna — Sat, 23 Jan 2010 18:07:51 +0000

Emptying og Sea Chime eftir Greg Davis (tileinkað Dieter Roth)
Frumflutningur á Sononymus II frá 1968 eftir Magnús Blöndal Jóhannsson og heildarflutningur á píanóverkum hans
Laser Cat og Laser Cat “The Christmas Edition” eftir Jesper Pedersen
Nú nú eftir Bjargeyju Ólafsdóttur

meira á leiðinni…

Capua á Ítalíu

tinna — Fri, 13 Nov 2009 09:36:21 +0000

Einleikstónleikar á tónlistarhátíðinni Autunno Musicale í Capua á Ítalíu þann 13. nóvember 2009 í Palazzo Fazio kl: 19.30. Á efnisskránni eru íslensk píanóverk: Fjögur lög, op. 2: Jón Leifs, Granit Games: Mist Þorkelsdóttir, Wide Shot: Þuríður Jónsdóttir, Tvær tokkötur: Þorsteinn Hauksson, Partíta: Karólína Eiríksdóttir, Sononymus: Hilmar Þórðarson. Styrkt af Reykjavík Loftbrú
Autunno Musicale

Myndir

Capua, Italy
In Palazzo Fazio in Capua		Rehearsing for a recital
		Monte Vesuvio

Sláturtíð 15-17 október

tinna — Fri, 16 Oct 2009 17:14:11 +0000

Sláturtíð verður haldin dagana 15.-17. október á vegum S.L.Á.T.U.R, Samtaka listrænt ágengra tónsmiða utan Reykjavíkur og í samvinnu við Airwaves. Haldnir verða þrennir Sláturtónleikar og ein íþróttakeppni! M.a. verður tónverkið Harfgreni fyrir einstrengingspíanó í náttúrulegri stillingu eftir Guðmund Stein Gunnarsson frumflutt á föstudagskvöldið 16. október á tónleikum í Skemmtihúsinu, Laufásvegi 22 í Reykjavík, sem hefjast kl: 20. Laugardagskvöldið 17. október heyrast í Fríkirkjunni kl: 20.30 m.a. verka 319° fyrir dótapíanó og slagverk eftir Áka Ásgeirsson, the Negotiation of Context – A fyrir píanó og harmóníum eftir Davíð Brynjar Franzson. Nánari efnisskrá á heimasíðunni hér neðan
S.L.Á.T.U.R.

Klukkan

tinna — Sun, 30 Aug 2009 12:40:37 +0000

Klukkan fyrir slagverk og píanó flutt á tónleikum með verkum eftir Áskel Másson þann 30. ágúst 2009 kl: 20 á Kjarvalsstöðum ásamt Frank Aarnink, slagverksleikara

Sveriges Radio P2

tinna — Mon, 13 Apr 2009 11:40:50 +0000

Klang – del 1: Tónlistarþáttur í sænska útvarpinu í umsjón Birgittu Tollan um íslenska tónlist þar sem undirrituð kemur fram. Annan í páskum 13/4/09
Klang á P2

CV

tinna — Wed, 11 Feb 2009 17:28:31 +0000

Tinna Þorsteinsdóttir er með víðtæka reynslu á sviði nýrrar tónlistar og hefur frumflutt um 40 verk sem samin hafa verið fyrir hana síðastliðin ár. Hún vinnur náið með mörgum íslenskum tónskáldum, er liðtæk í tilraunatónlistarsenunni og hefur unnið með tónskáldum eins og Helmut Lachenmann, Morton Subotnick, Evan Ziporyn, Christian Wolff og Greg Davis.

Menntuð sem klassískur píanóleikari þá spilar Tinna allar aldir píanóbókmenntanna, þótt 21sta öldin sé hennar aðal ástríða. Undirbúið píanó, rafhljóð, dótapíanó og gjörningar ná gjarnan inn á efnisskrár hennar.

Helstu einleikstónleikar hennar hafa verið á Listahátíðinni í Bergen í seríunni Unge talenter 2006 í safni Edvards Grieg á Troldhaugen, Listahátíð í Reykjavík, Autunno Musicale tónlistarhátíðinni í Capua – Ítalíu, Nordischer Klang listahátíðinni í Greifswald – Þýskalandi, Foundling Museum í London, The Chinese University í Hong Kong, GL Strand listasafninu í Kaupmannahöfn, Summit Club í Peking, Norrænu sendiráðunum í Berlín, Raflost raflistahátíðinni, 15:15 tónleikaseríunni, tónlistarhátíðinni Við Djúpið á Ísafirði og á Myrkum Músíkdögum.

Af öðrum viðburðum má nefna einleik á Heimssýningunni – Expo 2010 í Shanghai, Messiaen tónlistarhátíðinni í Stavanger, í Portúgal, Austurríki, Boston og París og dúó performans á Bang on a Can maraþoninu í San Francisco.

Tinna stundaði nám í Hannover og Münster í Þýskalandi og síðar í Boston við New England Conservatory of Music hjá Stephen Drury, þaðan sem hún lauk Graduate Diploma. Hún hlaut Fulbright styrk og Thor Thors styrk The American-Scandinavian Foundation. Hún hefur fjórum sinnum hlotið starfslaun listamanna. Tinna hefur tekið þátt í fjölda námskeiða og sótt einkatíma hjá píanóleikurum eins og Yvonne Loriod-Messiaen, Peter Hill, Håkon Austbø og Pierre Réach. Fyrsti einleiksdiskur hennar Granit Games með íslenskri píanótónlist kom út hjá Smekkleysu árið 2007. Tinna er stofnandi og listrænn stjórnandi tónleikaraðarinnar Jaðarbers á Listasafni Reykjavíkur.

Árið 2010 var viðburðaríkt hjá Tinnu þegar hún frumflutti 13 íslensk píanóverk. Þar á meðal var Sonorities II eftir Magnús Blöndal Jónhannsson frá árinu 1968 frumflutt á tónleikum hennar á Raflost raflistahátíðinni helgaðir minningu tónskáldsins. Annar stórviðburður á árinu var Íslandsfrumflutningur á stórvirkinu Vortex Temporum eftir Gérard Grisey ásamt The Formalist Quartet á Listahátíð í Reykjavík. Tinna lagði land undir fót og flutti íslenska píanótónlist víða erlendis. Hún hélt tónleika í Foundling Museum í London þann 17. júní og í Hong Kong í The Chinese University. Þeir tónleikar voru hluti af tónleikaferð hennar til Kína, þar sem hún kom á Heimssýningunni í Shanghai á íslenska þjóðadeginum. Í Shanghai lék hún í opinberri dagskrá forseta Íslands í Expo Center og í íslenska skálanum.

Árið 2011 tók Tinna þátt í frumflutningi á verki Hlyns Aðils Vilmarssonar fyrir píanó, strengjasveit og sínusbylgjur með Kammersveit Reykjavíkur á Myrkum Músíkdögum.

Píanó og slagverk á Myrkum Músíkdögum 2009

tinna — Sat, 07 Feb 2009 13:05:16 +0000

Tónleikar á Myrkum Músíkdögum laugardaginn 7. febrúar 2009 þar sem splunkuný verk verða frumflutt fyrir hina mjög svo algengu samsetningu slagverk og píanó. Flytjandi ásamt undirritaðri er Frank Aarnink slagverksleikari. Efnisskrá: Anna S. Þorvaldsdóttir: [one] 2008, Steingrímur Rohloff: Repercussion (2007), Þuríður Jónsdóttir: Wide Shot fyrir píanó (2007), Karólína Eiríksdóttir: Sýsl á víxl fyrir marimbu og píanó (2009), Áki Ásgeirsson: 319° (2009), Páll Ivan Pálsson: Tókastaðir (2009) og Áskell Másson: Klukkan (2009). Í Hafnarborg í Hafnarfirði kl: 17
MM 09

Myndband - Tókastaðir

Tókastaðir eftir Pál Ivan Pálsson

Messiaen og fuglarnir

tinna — Wed, 10 Dec 2008 11:02:16 +0000

Þann 10. desember 2008 er aldarafmæli tónskáldsins Olivier Messiaen. Af því tilefni efnir Tinna til hádegistónleika á vegum tónlistardeildar Listaháskóla Íslands á sjálfan afmælisdaginn. Þar verða fluttar tvær af Fuglabókum Messiaens, Catalogue d´Oiseaux, nr. 3 og 5 og sagt örlítið frá þeim. Tónleikarnir byrja kl: 12.15 miðvikudaginn 10. desember og eru haldnir í Sölvhóli. Aðgangur er ókeypis
LHÍ

Myndir

Messiaen and the birds
Tinna shows photos of the birds in Messiaen´s Catalogue d´Oiseaux Books 3 and 5

Playing the real life calls and songs of the birds	Showing at the piano how Messiaen depicts their calls and songs in the music

Messiaen Festival Stavanger

tinna — Wed, 19 Nov 2008 18:36:40 +0000

Leik L´Alouette Calandrelle úr Fuglabókum Olivier Messiaens (Catalogue d´Oiseaux) á opnunarhátíð ráðstefnunnar á Messiaen Festival Stavanger. 19. nóvember 2008 kl: 10 í Lille konsertsal, Bjergsted
Messiaen Festival Stavanger

Míkrópera

tinna — Sat, 04 Oct 2008 14:18:35 +0000

Frumflutt er míkróperan Átt-Atvinnuvegur eftir Tryggva M. Baldvinsson ásamt Ingibjörgu Guðjónsdóttur, sópran, á hátíðarsamkomu í tilefni afmælis Bessastaðaskóla, laugardaginn 4. október 2008 kl: 14 í hátíðarsal Íþróttahúss Álftaness

Njúton flakkar

tinna — Fri, 25 Jul 2008 12:39:17 +0000

Njúton fer á flakk í sumar: Listasumar á Akureyri, tónleikar í Reykjavík og Sumartónleikar í Skálholti.
-Listasumar á Akureyri, föstudaginn 25. júlí 2008 kl: 12 í Ketilhúsinu, Akureyri. Tveir frumflutningar:
Þuríður Jónsdóttir: Pes
Karólína Eiríksdóttir: Stjörnumuldur
Þráinn Hjálmarsson: _4 frumflutningur
Ragnhildur Gísladóttir: Arnold
María Huld Markan Sigfúsdóttir: Estremadura frumflutningur
-Tónleikar í Reykjavík, sunnudaginn 27. júlí kl: 16, Grettisgötu 18: Sama dagskrá, auk verksins Granit Games eftir Misti Þorkelsdóttur fyrir píanó. Tónleikarnir eru styrktir af Hlaðvarpanum, Menningarsjóði kvenna á Íslandi
-Sumartónleikar í Skálholti, laugardaginn 2. ágúst kl: 21
Flytjendur: Hildur Ársælsdóttir, sög og fiðla, Berglind María Tómasdóttir, flauta, Grímur Helgason, klarinett, Tinna Þorsteinsdóttir, píanó, Frank Aarnink, slagverk
Njúton

Við Djúpið 2008

tinna — Mon, 23 Jun 2008 15:20:10 +0000

Tinna og Una Sveinbjarnardóttir, fiðluleikari, koma fram á tónlistarhátíðinni Við Djúpið í sumar. Um er að ræða hádegistónleika mánudaginn 23. júní í Bryggjusal Edinborgarhússins á Ísafirði kl: 12.10. Efnisskráin er af óvenjulegum toga: Sónata eftir jazzpíanistann Keith Jarrett fyrir fiðlu og píanó, en hún er hér frumflutt á Íslandi, Recitativo e Arioso eftir Witold Lutoslawski fyrir fiðlu og píanó og Hugleiðing eftir Karólínu Eiríksdóttur fyrir fiðlu
Við Djúpið

Njúton – Indigenous Music

tinna — Sun, 08 Jun 2008 00:27:14 +0000

Á seinni tónleikum Njútons, sunnudagskvöldið 8. júní kl: 20.00 í Fríkirkjunni, verður minning Íslandsvinarins og tónskáldsins Stephen Lucky Mosko heiðruð. Mosko kom fyrst til Íslands snemma á 8. áratugnum og sótti síðan innblástur í íslenska tónlistarhefð. Hann kenndi um árabil við hinn víðfræga listaskóla CalArts, þar sem tónskáldin Hilmar Þórðarson og Kolbeinn Einarsson voru meðal nemenda hans. Á tónleikunum verður flutt stórvirki Moskos, Indigenous Music II, fyrir 11 manna hóp hljóðfæraleikara. Einnig heyrast Sononymus fyrir píanó – meitlað í stein eftir Hilmar Þórðarson, 18 V (frumflutt) fyrir flautu og píanó eftir Kolbein Einarsson og Fluff and Drama eftir Atla Heimi Sveinsson
Njúton
Bedroom Community

Njúton og Bedroom Community

tinna — Fri, 06 Jun 2008 00:04:54 +0000

Þann 6. og 8. júní 2008 slá tónlistarhópurinn Njúton og útgáfufyrirtækið Bedroom Community saman í tónleika í Fríkirkjunni í Reykjavík. Á tónleikunum heyrist spennandi samsuða af íslenskri og bandarískri tónlist; allt frá þjóðlagatónlist til þarlendrar og hérlendrar samtímatónlistar. Á fyrri tónleikunum, föstudaginn 6. júní kl: 21.00, flytur Njúton klassísk kammerverk frá 7. áratug síðustu aldar: Eleven Echoes of Autumn, 1965 (Echoes I) eftir George Crumb og Durations 1 eftir Morton Feldman. Valgeir Sigurðsson og Sam Amidon stíga jafnframt á stokk og flytja efni af nýjum plötum sínum, Ekvílibríum og All Is Well, ásamt félögum úr Njúton
Njúton
Bedroom Community

Morton Subotnick – The Other Piano

tinna — Thu, 01 May 2008 11:22:07 +0000

Tónleikar á Raflost raflistahátíðinni. Flutt verða ný verk Mortons Subotnicks: The Other Piano (2007) fyrir píanó og tölvuhljóð og rafverkið Until Spring Revisited (2008). Í Sölvhóli, tónleikasal Listaháskóla Íslands, Sölvhólsgötu, fimmtudaginn 1. maí 2008 kl: 20.00. The Other Piano verður flutt með tónskáldinu sem stýrir tölvuhljóðum
Raflost
Morton Subotnick

Myndir

Raflost 2008 – Morton Subotnick
Sound testing for The Other Piano by Morton Subotnick		Backstage
Composer Áki Ásgeirsson seems to be explaining something or making a joke	The series of mirrored images with Tinna and composer Morton Subotnick to follow…


	It was an honor, thanks!

Luister Magazine

tinna — Fri, 11 Apr 2008 16:21:47 +0000

Umfjöllun í hollenska klassíska tónlistartímaritinu Luister um íslenskt tónlistarlíf. M.a. viðtal við Tinnu. Vorútgáfa 2008, nr. 649
Luister

Frumflutningur á tónverkinu Stjórnarskrá Lýðveldisins Íslands

tinna — Sat, 15 Mar 2008 10:18:41 +0000

Laugardaginn 15. mars 2008 klukkan 14:00 verður tónverkið Stjórnarskrá Lýðveldisins Íslands frumflutt í Ketilhúsinu í Listagilinu á Akureyri. Verkefnið er samstarfsverkefni myndlistardúósins Libiu Castro og Ólafs Árna Ólafssonar og tónskáldsins Karólínu Eiríksdóttur. Flutningurinn er liður í myndlistarsýningunni Bæ-Bæ Ísland sem opnar klukkan 15:00 í Listasafninu á Akureyri. Verkið er skrifað fyrir tvo einsöngvara, píanó, kontrabassa og blandaðan kór og flytjendur verksins eru: Ingibjörg Guðjónsdóttir, sópran, Bergþór Pálsson, baritón, Tinna Þorsteinsdóttir, píanó, Gunnlaugur Torfi Stefánsson, kontrabassi og kammerkórinn Hymnódía frá Akureyri undir stjórn Eyþórs Inga Jónssonar

París II

tinna — Tue, 26 Feb 2008 15:55:16 +0000

Tónleikar í Cité Internationale des Arts í París 26. febrúar 2008 kl: 20.30 í Salle Edmond Michelet. Efnisskráin inniheldur verk eftir Karólínu Eiríksdóttur: Partíta (píanó), Flautuspil og Sónata fyrir gítar, flutt af Tinnu, Hafdísi Vigfúsdóttur og Ögmundi Þór Jóhannessyni
Karólína Eiríksdóttir
citedesartsparis.net

Berkeley

tinna — Sun, 10 Feb 2008 15:36:49 +0000

Tónleikar með Berglindi Maríu Tómasdóttur, flautuleikara, þann 10. febrúar 2008 kl: 16.00 í Maybeck Studios, Berkeley, CA

Bang on a Can maraþon

tinna — Sat, 09 Feb 2008 16:25:43 +0000

Performans á Bang on a Can maraþoninu í San Francisco ásamt Berglindi Maríu Tómasdóttur, flautuleikara, í Yerba Buena Center for the Arts þann 9. febrúar 2008 í Forum salnum, kl: 13.15
Bang on a Can
ybca.org

Njúton á Myrkum Músíkdögum 2008

tinna — Tue, 05 Feb 2008 16:22:20 +0000

Tónleikar Njútons á Myrkum Músíkdögum verða í Iðnó þann 5. febrúar 2008 kl: 20.00. Frumflutt verða verk eftir Simon Steen-Andersen, Karólínu Eiríksdóttur og Guðmund Stein Gunnarsson. Önnur verk eiga tónskáldin Steingrímur Rohloff, Samson Young og Annie Gosfield, en þau verk eru frumflutt á Íslandi
Myrkir Músíkdagar

París

tinna — Tue, 08 Jan 2008 15:09:30 +0000

Tónleikar í Cité Internationale des Arts í París 8. janúar 2008 kl: 20.30 í Salle Edmond Michelet. Efnisskrá: Catalogue d’Oiseaux, bók V eftir O. Messiaen, Partíta eftir Karólínu Eiríksdóttur, Granit Games eftir Misti Þorkelsdóttur
citedesartsparis.net

CD útgáfa Tinnu

tinna — Thu, 13 Dec 2007 11:55:53 +0000

Fyrsti sóló diskurinn, Granit Games, kemur út 13. desember 2007 hjá Smekkleysu. Þetta er alíslenskur píanódiskur – frá þjóðlögunum til fartölvunnar. Öll verkanna nema eitt eru samin fyrir Tinnu og voru flest frumflutt á Myrkum músíkdögum árið 2005. Tónskáldin sem verk eiga er fjölbreytilegur hópur: Mist Þorkelsdóttir, Kolbeinn Einarsson, Jón Leifs, Hilmar Þórðarson, Þorsteinn Hauksson, Áskell Másson og Steingrímur Rohloff. Í þremur verkanna fær Tinna sér meðleikara, sem er tölvan. Þetta eru fyrstu upptökur sem gerðar hafa verið af öllum verkunum nema verki Jóns Leifs og fóru þær fram nokkra daga í ágúst 2006. Sveinn Kjartansson sá um upptökur
Smekkleysa

CD útgáfa Njútons

tinna — Fri, 07 Dec 2007 14:43:22 +0000

Smekkleysa gefur út fyrsta geisladisk Njútons sem ber nafnið Roto con moto. 7. desember 2007 næstkomandi verður útgáfu plötunnar fagnað í Smekkleysubúðinni við Laugaveg milli klukkan 17 og 19. Þar verður platan til sölu á sérstöku kynningarverði og boðið verður upp á léttar veigar
Smekkleysa
Njúton

Hátíðarsamkoma Bessastaðaskóla

tinna — Sat, 01 Dec 2007 13:26:05 +0000

Bessastaðaskóli – vagga íslenskrar menningar, er heitið á samkomunni, en tilefnið er rúmlega 200 ára afmæli Bessastaðaskóla. Frumflutt verður verkið Njóla eftir Karólínu Eiríksdóttur ásamt Ingibjörgu Guðjónsdóttur, sópran. Í hátíðarsal íþróttahúss Álftaness, 1. desember 2007 kl: 14.00
Karólína Eiríksdóttir

Húgó á UNM 2007

tinna — Wed, 05 Sep 2007 17:07:45 +0000

Strengjakvartettinn Húgó [Una Sveinbjarnardóttir, fiðla, Hrafnhildur Atladóttir, fiðla, Guðrún Hrund Harðardóttir, víóla, Hrafnkell Orri Egilsson, selló] heldur tónleika á UNM hátíðinni ásamt undirritaðri. Verk eiga m.a. Jeppe Just Christensen og Emil Bernhardt. Iðnó, 5. september 2007 kl: 20.00
UNM á Íslandi

Ung Nordisk Musik 2007

tinna — Mon, 03 Sep 2007 16:47:46 +0000

UNM hátíðin fer fram á Íslandi í ár, en þar verður fluttur aragrúi af nýjum verkum eftir ung norræn tónskáld. Söngtónleikar 3. september 2007 í Norræna Húsinu kl: 20.00, þar sem Herdís Anna Jónasdóttir, sópran, Sigurgeir Agnarsson, selló og undirrituð flytja Quaint eftir ungt norrænt tónskáld, Nicolai Worsaae
UNM á Íslandi

Barlow og S.L.Á.T.U.R.

tinna — Sat, 07 Jul 2007 12:05:14 +0000

Samtökin S.L.Á.T.U.R. standa fyrir tónleikum með verkum eftir Clarence Barlow í tilefni veru hans á landinu. Frumflutt verður verk hans Septima de Facto, en auk þess heyrist verkið Sachets des siseaux insatiables, bæði fyrir sjö hljóðfæraleikara. Önnur verk eru Skula eftir Guðmund Stein Gunnarsson og SOOSSOOS fyrir píanó og fjóra hátalara eftir Áka Ásgeirsson. Anima Gallerí, 7. júlí 2007 kl: 20.00

Alþjóðlegir Atondagar

tinna — Wed, 27 Jun 2007 23:05:10 +0000

Alþjóðlegir Atondagar: Ísland vs. Bali í Fríkirkjunni, þann 27. júní 2007 kl: 20.00. Hér eru klarínettuleikarinn og tónskáldið Evan Ziporyn og Gamelansérfræðingurinn og tónskáldið Christine Southworth í fyrirrúmi. Auk þess heyrist verkið Speak! At-man f. flautu og píanó e. Ziporyn í flutningi Berglindar Maríu Tómasdóttur flautuleikara og undirritaðrar
Aton
Evan Ziporyn
Christine Southworth

Rás 1 við Djúpið í beinni

tinna — Sat, 23 Jun 2007 23:00:30 +0000

Jónsmessutónleikar Ríkisútvarpsins í beinni þann 23. júní 2007 í Hömrum kl: 21.00, Ísafirði. Listamenn tónlistarhátíðarinnar Við Djúpið koma fram og undirrituð flytur píanóverkið Sonatinna eftir ísfirska tónskáldið Jónas Tómasson og fremur að auki gjörning með tónlistarhópnum Aton
Við Djúpið

Við Djúpið 2007

tinna — Fri, 22 Jun 2007 22:57:05 +0000

Tónleikar Atons, Evans Ziporyn og Christine Southworth á tónlistarhátíðinni Við Djúpið. Íslensk samtímatónlist/verk e. Evan Ziporyn/Gamelan tónlist frá Bali. Bræðingur! Edinborgarhúsið, Ísafirði, kl: 20.00, 22. júní
Við Djúpið
Evan Ziporyn
Christine Southworth

Listahátíð í Reykjavík 2007 – píanótónleikar

tinna — Thu, 24 May 2007 15:19:00 +0000

Fimm ný íslensk píanóverk frumflutt á Listahátíð í Reykjavík 2007. Tónskáldin sem eiga verk á tónleikunum eru Karólína Eiríksdóttir, Hilmar Þórðarson, Jónas Tómasson, Áki Ásgeirsson og Gunnar Andreas Kristinsson. Hér má heyra hefðbundinn píanóleik í bland við elektróník í ýmsum spennandi myndformum. Í Ými, þann 24. maí kl: 20.00
Listahátíð í Reykjavík

Listahátíð í Laugarborg

tinna — Tue, 22 May 2007 16:44:44 +0000

Fjögur ný íslensk píanóverk á Listahátíð í Reykjavík 2007, dagskráin er frumflutt á Norðurlandi í Laugarborg í Eyjafjarðarsveit. Tónskáldin sem eiga verk frumflutt á tónleikunum eru Karólína Eiríksdóttir, Hilmar Þórðarson, Jónas Tómasson og Gunnar Andreas Kristinsson. Auk þess má heyra verkið Granit Games eftir Misti Þorkelsdóttur. Laugarborg, þann 22. maí kl: 20.00
Listahátíð í Reykjavík

15:15 Caput Sprotar

tinna — Sun, 29 Apr 2007 16:04:30 +0000

Caput Sprotar er heitið á þessum tónleikum í 15:15 seríunni í Norræna húsinu. Leikin eru ný verk eftir ný tónskáld, innlend og erlend. M.a. verkið Symplegade eftir hina ungu rúmönsku Díönu Rotaru fyrir flautu, slagverk og píanó, þann 29. apríl 2007 í Norræna húsinu kl: 15.15

Lavaland í Köben

tinna — Thu, 01 Mar 2007 20:02:12 +0000

Tónleikar með íslenskri píanótónlist + elektróník á myndlistarsýningunni Lavaland í GL Strand nútímalistagalleríinu í Kaupmannahöfn, þann 1. mars 2007 kl: 20.30. Hægt verður að skoða sýninguna fyrir og eftir tónleikana með verkum Ólafs Elíassonar og Kjarvals
GL Strand

Myndir

Lavaland
Lavaland: Artists Ólafur Elíasson and Jóhannes S. Kjarval	Concert @ Lavaland	Composer Steingrímur Rohloff in deep thought
Everything ready

Myrkir Músíkdagar 2007 Atón

tinna — Tue, 23 Jan 2007 18:55:41 +0000

Tónleikar hjá Atón á Myrkum Músíkdögum í Listasafni Íslands, þann 23. janúar kl: 20.00. Íslensk kammerverk
Atón

Norrænir Músíkdagar 2006 – Atón

tinna — Mon, 09 Oct 2006 12:39:03 +0000

Atón kemur fram á Norrænum Músíkdögum 2006 þann 9. október í Sölvhóli, sal Listaháskóla Íslands kl: 20.00. Íslensk og skandinavísk kammerverk, m.a. frumflutt Vibrancy eftir Steingrím Rohloff og þar heyrast Attitude eftir Lene Grenager og Failure f. undirbúið píanó, teip og vídeó eftir Kaj Aune
Atón

Norrænir Músíkdagar 2006

tinna — Fri, 06 Oct 2006 19:59:07 +0000

Kammertónleikar CAPUT tónlistarhópsins á Norrænum Músíkdögum 2006, þann 6. október í Salnum kl: 19.00. Skandinavísk kammerverk, m.a. Kvartett e. hinn sænska Per Mårtensson f. flautu, fiðlu, selló og píanó

Við Djúpið 2006

tinna — Thu, 22 Jun 2006 14:31:17 +0000

Einleikstónleikar á tónlistarhátíðinni Við Djúpið á Ísafirði. Efnisskráin samanstendur af verkum eftir Jón Leifs, Edvard Grieg, Misti Þorkelsdóttur, Áskel Másson og Þorstein Hauksson. Þann 22. júní 2006 kl: 20.00 í Hömrum á Ísafirði
Við Djúpið

Bergen listahátíðin 2006

tinna — Fri, 02 Jun 2006 18:03:00 +0000

Einleikstónleikar á Bergen listahátíðinni 2006 í tónleikaröðinni Unge talenter. Efnisskráin samanstendur af verkum eftir Jón Leifs og önnur íslensk tónskáld, m.a. með elektróník, og norska tónskáldið Edvard Grieg. Tónleikarnir fara fram á Grieg safninu Troldhaugen, þar sem tónskáldið var til heimilis, nánar tiltekið í Troldsalen þann 2. júní 2006 kl: 11.30
Listahátíðin í Bergen
Edvard Grieg Museum Troldhaugen

Myndir

Troldhaugen-Bergen Festival
Troldsalen concert hall in the Edvard Grieg Museum at Troldhaugen	The composer´s cabin, every composer should have one	In the concert hall, overlooking the cabin
	rehearsing
	Grieg´s hytte
	The technical setup ready for the concert	Karól G. Kvaran making a video

	With composer Mist Thorkelsdóttir	With composers Mist Thorkelsdóttir and Karólína Eiríksdóttir

Tónleikaferð Atóns til USA

tinna — Wed, 05 Apr 2006 19:04:11 +0000

Atón heldur í tónleikaferð í apríl 2006 til Bandaríkjanna.
5. apríl í The Lily Pad, Inman Square, 1355 Cambridge Street, Cambridge, MA. Tónleikar ásamt Know Trio.
6. apríl á 21 Grand, 416 25th Street (at Broadway), Oakland, CA.
9. apríl í Mills College, 5000 MacArthur Boulevard, Oakland, CA.
10. apríl í Stanford University, Center for Computer Research in Music and Acoustics (CCRMA), 541 Lasuen Mall, Stanford, CA.
12. apríl í CalArts, 24700 McBean Parkway, Valencia, CA.
15. apríl í University of California, San Diego, Center for Research in Computing and the Arts, 9500 Gilman Drive La Jolla, CA.
Atón
Know Trio

Náttúruljóð – Myrkir Músíkdagar 2006

tinna — Wed, 08 Feb 2006 14:26:48 +0000

Einleikstónleikar á Myrkum Músíkdögum 2006. Tileinkaðir náttúrunni, píanóinu og listamanninum Dieter Roth. Samvinnuverkefni með ameríska tónskáldinu Greg Davis sem kemur einnig fram. Hugtakið “undirbúið píanó” er endurvakið og í sumum verkanna er fengist við að búa til nýtt hljóðfæri. Á tónleikunum sameinast hið hljóðræna og myndræna (m.a. vídeólistaverk) og ný tækni kemur fram. Heiðursgestur tónleikanna er flygill Dieters Roths sem var fenginn með góðfúslegu leyfi að láni hjá Birni Roth fyrir tónlistargjörning í anda listamannsins. Fær hann hér að hljóma list hans til heilla. Efnisskrá: George Crumb: Úr Makrokosmos II, Greg Davis: Emptying fyrir undirbúið píanó – ísl. útgáfa tileinkuð Dieter Roth, Sea Chime fyrir undirbúið píanó frumfluttt, River Thought fyrir harmónikku og tölvu frumflutt, Giacinto Scelsi: Quattro Illustrazioni og Hilmar Þórðarson: Sononymus – meitlað í stein – fyrir píanó og tölvu frumflutt. Í Ými, þann 8. febrúar kl: 20.00
Dieter Roth
Greg Davis

Myndir

Nature Poems
Concert in preparation	Preparation for "Emptying" by composer Greg Davis	Everything getting ready
air dry	Some necessities for a recital	nice
Knock on wood	Rehearsing for the premiere of "Sea Thought" for accordion and electronics by Greg Davis	Seems like a nice piece of plant
Here we go, rocks, shells, angelica archangelica and carum carvi		Greg Davis in action
	A video in the making

The setup of "Sea Chime" by Greg Davis…	…with a percustringpiano sort of….	…which was premiered in the concert
various piano stations on stage
Greg Davis makes a sculpture for "Emptying" in Dieter Roth´s piano

the ordinary piano		Also video by Greg Davis

	Thanks Dieter and Björn Roth. The piano was grand!

Atón – Myrkir Músíkdagar 2006

tinna — Sat, 04 Feb 2006 12:22:14 +0000

Tónleikar Atóns á Myrkum Músíkdögum 2006 í Ými, þann 4. febrúar kl: 20.00, fullt af íslenskum frumflutningum
Atón

Jóla- og nýárstónleikar Atóns

tinna — Fri, 30 Dec 2005 12:10:21 +0000

Jóla-og nýárstónleikar Atóns í Iðnó, þann 30. desember 2005 kl: 20.30.
Fullt af íslenskum frumflutningum
Atón

Útgáfutónleikar L’amour fou

tinna — Thu, 15 Dec 2005 21:00:09 +0000

Út er kominn fyrsti geisladiskur salon-/tangóhljómsveitarinnar L’amour fou: -Íslensku lögin-. Í tilefni þess heldur sveitin útgáfutónleika í Þjóðleikhúskjallaranum, 15. desember 2005 kl: 21.00
L´amour fou

Portrett Karólínu Eiríksdóttur

tinna — Sat, 08 Oct 2005 16:42:34 +0000

Portretttónleikar með verkum Karólínu Eiríksdóttur í Listasafni Íslands, 8. október 2005. Þar verða m.a. flutt verkin Miniatures, Renku, Capriccio og frumflutt Strenglag fyrir víólu og píanó. Flytjendur eru Guðrún Hrund Harðardóttir, víóla, Una Sveinbjarnardóttir, fiðla, Hrafnkell Orri Egilsson, selló, Ingólfur Vilhjálmsson, klarínett ásamt fl.
Karólína Eiríksdóttir

Peking

tinna — Fri, 17 Jun 2005 12:50:35 +0000

Tvennir einleikstónleikar á vegum íslenska sendiráðsins í Kína. Dagskráin er íslensk, norræn og kínversk. Í Summit Club á Kaiserflygilinn á þjóðhátíðardaginn 17. og 18. júní 2005
http://www.iceland.org/cn/index.html

Myndir

Kína 2005
Entering the Summit Club in Beijing	a proper welcome	The incredible Bösendorfer Emperor
Testing the golden one
The Summit Club	Life goldfish in the pond on stage left	The hall

Frankfurt IEMA

tinna — Tue, 31 May 2005 20:37:38 +0000

Flutningur á Ikarus fyrir píanó og tölvuhljóð eftir Steingrím Rohloff hjá Internationale Ensemble Modern Akademie, Haus der Deutschen Ensemble Akademie, Frankfurt, 31. maí 2005

Frederiks Bastion í Köben

tinna — Thu, 19 May 2005 19:29:58 +0000

Flutningur á píanóverkinu Fantasiestück eftir Áskel Másson á stofntónleikum kammerkórsins Stöku, 19. maí 2005 í Frederiks Bastion, Kaupmannahöfn
Staka

Píanótónleikar í Berlín

tinna — Wed, 11 May 2005 11:43:10 +0000

Píanótónleikar í húsi norrænu sendiráðanna í Berlín. Flutt verða ný íslensk píanóverk eftir Misti Þorkelsdóttur, Áskel Másson, Þorstein Hauksson, Steingrím Rohloff og Kolbein Einarsson. Felleshus – Auditorium þann 11. maí 2005
Norrænu sendiráðin

Myndir

The Nordic Embassies, Berlin
The Nordic Embassies in Berlin
In rehearsal	Composer Steingrímur Rohloff seems to be everywhere!

Nordischer Klang 2005

tinna — Thu, 05 May 2005 12:10:36 +0000

Píanótónleikar á hátíðinni Nordischer Klang í Greifswald í Þýskalandi 5. maí, en þeir eru opnunartónleikar hátíðarinnar. Flutt verða ný íslensk píanóverk eftir Misti Þorkelsdóttur, Áskel Másson, Þorstein Hauksson, Steingrím Rohloff og Kolbein Einarsson
Nordischer Klang

Píanóið í nýju ljósi

tinna — Wed, 23 Mar 2005 20:12:49 +0000

Einleikstónleikar á Skíðavikunni á Ísafirði í Hömrum þann 23. mars 2005. Á efnisskránni eru verk frá 20. og 21. öldinni, innlend sem erlend er leyfa píanistanum að fást við óhefðbundin form og tækni

Myndir

Ísafjörður 2005
The prepared piano of John Cage´s Sonatas and Interludes
		Composer Kolbeinn Einarsson setting up
	Concert about to start	The audience checking out the prepared piano afterwards
		eager hands
A drawing by composer Jónas Tómasson

15:15

tinna — Sat, 19 Mar 2005 17:51:18 +0000

Einleikstónleikar á 15:15 tónleikaseríunni í Borgarleikhúsinu þann 19. mars 2005. Fyrir hlé verður fluttur fyrri helmingur Sonatas and Interludes eftir John Cage og Guero eftir Helmut Lachenmann. Eftir hlé eru For Prepared Piano eftir Christian Wolff, Piano Piece (to Philip Guston) og Intermission 5 eftir Morton Feldman og Quattro Illustrazioni eftir Giacinto Scelsi. Fjöldafrumflutningar á Íslandi

Myndir

Prepared Piano 15:15
Preparing the piano for John Cage´s Sonatas and Interludes	Table of preparations as shown by composer	Tinna´s Cage "kit"



	Upper half done	testing
In recital		The audience gathers around the piano after the recital to take a look at the preparations

Myrkir Músíkdagar 2005 – Píanótónleikar

tinna — Sat, 05 Feb 2005 18:59:39 +0000

Einleikstónleikar á Myrkum Músíkdögum 5. febrúar. Frumflutt verða 5 íslensk píanóverk, sum hver með elektróník, eftir 5 íslensk tónskáld í Salnum, Kópavogi. Tónskáldin sem verk eiga eru: Mist Þorkelsdóttir, Kolbeinn Einarsson, Áskell Másson, Þorsteinn Hauksson og Steingrímur Rohloff

Myndir

Dark Music Days 2005-the premieres
Sound test in Salurinn just before concert	Composer Kolbeinn Einarsson
	On stage with composers Áskell Másson, Steingrímur Rohloff and Kolbeinn Einarsson

Das Klavierkonzert in Island nach 1950

tinna — Mon, 13 Dec 2004 12:00:20 +0000

Lokaritgerð frá Tónlistarháskólanum í Detmold-Münster, Þýskalandi, 2000

Microsoft Word Skjal (1.15 mb)
Acrobat PDF (1.37 MB)